сичүәндә чиққан от апитидә 20 дин артуқ пажарни хадими өлди
шәнбә күни (30-март) хитайниң сичүән өлкисидики тағлиқ районда орманда чиққан отни өчүрүшкә қатнашқан 26 пажрани хадими өлди.
түркийә авази радийоси хәвири: хитай җиддий вәқәләрни башқуруш министирлиқи сичүән өлкисидә орманда йүз бәргән от апити һәққидә байанат елан қилди. байанатта, пажарни хадимлириниң лйаңшән районида 3 миң 800 метир егизликкә җайлашқан йәрдә чиққан отни өчүрүш җәрйанида, туйуқсиз йөнүлүшини өзгәрткән шамалниң тәсиридә бәзи хадимларниң қапселип қалғанлиқи билдүрүлди.
байанатта, от өчүрүш хизмәтлиригә 689 пажарни хадиминиң қатнашқанлиқи, бирақ түнүгүн (йәкшәнбә) 30 хадим билән алақиниң үзүлүп қалғанлиқи қәйт қилинди.
тиббий әслиһәләр бесилған икки тик учарниң әвәтилгәнлики әскәртилгән байанатта, қутқузуш хадимлири йоқап кәткән пажарни хадимлиридин 26 синиң җансиз бәдинини тапқанлиқи, башқа пажарни хадимлирини издәш-қутқузуш ишлириниң болса давамлишиватқанлиқи билдүрүлди.
байанатта, хитайда һәптә ахири охшимиған районлардики орманларда йүз бәргән отни өчүрүш ишлириниң давам қиливатқанлиқи қәйт қилинмақта.
