engliye awam palatasi yawropa ittipaqi kélishimining awazgha qoyulushigha qoshuldi
engliye parlaméntining töwen qaniti hésablinidighan awam palatasi engliyening yawropa ittipaqidin ayrilish kélishimining qaytidin awazgha qoyulushigha qoshuldi.
türkiye awazi radiyosi xewiri: awam palatasining bashliqi jon bérkow ilgiri uda ikki qétim ret qilinghan kélishimning qaytidin awazgha qoyulushini testiqlidi.
bérkow ilgiri kélishimge özgertish kirgüzülmigüche qaytidin awazgha qoyulushining parlaméntning belgilimilirige xilap ikenlikini éytqanidi.
engliye hökümiti bu qiyin ötkeldin ötüsh üchün ilgiri yawropa ittipaqi bilen birdeklik hasil qilinghan we tereplerning engliyening yawropa ittipaqidin ayrilishidin kéyinki munasiwetlerning yönilishini belgileydighan pilanni öz ichige alghan ramka höjjiti bilen birlikte sunulghan kélishimni öz aldighila parlaméntqa sunghanidi.
igilinishiche, 15 – yanwar we 12 – mart künliri parlaméntta köp sanliqning ret qilip awaz bérishi bilen ret qilinghan kélishim üchinchi qétim awazgha qoyulidiken.
