вийанада америка вә исраилийәгә қарши намайиш өткүзүлди

түркийә авази радийоси хәвири: австрийәниң пайтәхти вийанада исраилийәниң ишғалийәт сийасәтлири вә исраилийәни қорал-йарағ билән тәминләп келиватқан америка қошма иштатлириға қарши намайиш өткүзүлди.

«байқут, чәткә қеқилиш вә ембарголар һәрикити» тәрипидин исраилийәниң ирқий айримчилиқ сиийасәтлиригә қарши туруш һәптиси даирисидә өткүзүлгән « ишғалийәт вә қораллинишни тохтат»намлиқ намайиш үчүн американиң вийана әлчиханиси алдиға йиғилған намайишчилар, «исраилийә ишғалийәткә, етник тазилашқа вә айримчилиққа хатимә бәрсун»дегән шоарларни товлашти.

америкалиқ паалийәтчи мәри пампалк сөз қилип, американиң исраилийәгә йилда 3 милйард 800 милйон долларлиқ қорал йардими қилип келиватқанлиқини, бу йардәмниң исраилийәниң ишғалийәт сийаситини күчәйтиштә бивастә рол ойниғанлиқини, шундақла оттура шәрқтә тинчлиқниң ишқа ешишиға тосалғу болуп келиватқанлиқини ейтти.

американиң болупму доналд трамп һөкүмити мәзгилидә хәлқара қанунға зит нурғун байанатларни берип исраилийәгә очуқ-ашкарә йантайақ болғанлиқини ейтқан пампалк, американиң исраилийәгә иқтисадий йардәмдин сирт, б д т  омумий кеңишидиму пәләстингә қарши  исраилийәни  қоллап 44 қетим аваз бәргәнликини әскәртти.

мәри пампалк: тәхминән 50йилдин буйан пәләстин земинлирини ишғал қилип келиватқан исраилийәгә қарши американи хәлқара қанунниң тәқәззаси бойичә иш қилишқа чақиримиз. ишғалийәтчи вә ирқчи бир дөләтниң хәлқара җәмийәттә истиқбали болмайду, деди.

йазғучи вилһем лагталерму оттура шәрқтә земинлири тартивелинған, әң әқәллий демократик һоқуқлири дәпсәндә қилинған бир җәмийәт билән исраилийә оттурисидики мәсилиләрни «мусулман-йәһудий мәсилиси»дәк қарашниң риаллиқа зит икәнликини, бу мәсилигә тамамән ишғал вә айримчилиқ сийасәтлири сәвәб болғанлиқини әскәртти.

америка әлчиханиси алдида башлиған намайиш исраилийәниң вийана әлчиханиси алдида ахирлашти.