мусулда көмтүрүлүп кәткән кечик кемиси вәқәсидә өлгәнләрниң сани көпәйди
ирақниң мусул шәһиридә кечик кемисиниң көмтүрүлүп кетиши нәтиҗисидә һайатидин айрилғанларниң сани 71 гә йәтти.
1168834
түркийә авази радийоси хәвири: ирақ ички ишлар министирлиқи тәрипидин бу һәқтә елан қилинған йазма байанатта әскәртилишичә, мусулда «диҗлә дәрйаси» саһиллирида бир кечик кемисиниң көмтүрүлүп кетиши нәтиҗисидә 71 киши һайатидин айрилған, издәш - қутқузуш паалийәтлири давамида 19 балини өз ичигә алған 55 киши қутқузувелинған болуп, кечик кемисиниң көмтүрүлүп кетишини, кемигә олтурғанларниң һәддидин зийадә болуши кәлтүрүп чиқарған.
йәрлик мәнбәләрниң билдүрүшичә, кечик кемисигә пәқәт 50 кишила олтурса болидикән.
ирақ баш министирлиқ мәһкимисиниң билдүрүшичә, мусулда кечик кемиси көмтүрүлүп кетиш вәқәси йүз бәргәндин кейин, баш министир адил абдулмәһди, вәқәни җиддий тәкшүрүп, дәрһал бир тәрәп қилиш тоғрулуқ йолйоруқ чүшүргән.
