берлинда йашайдиған бир түрк йаш үч кишини қутқузувалди
германийә пайтәхти берлинда йашайдиған 20 йаштики бурак қадир онай исимлик түрк йаш бир бинада чиққан от апитидә үч кишини қутқузуп қалди.
түркийә авази радийоси хәвири: берлин сақчилири түнүгүн (21-март) нойкөлн наһийәсидики бир бинаға от кәткәнлики вә икки кишиниң җенидин айрилғанлиқини, йариланған 15кишиниң дохтурханиға апирилғанлиқини, 25 кишиниң қутқузувелинғанлиқини елан қилди.
сақчилар иштин қайтиватқан бурак қадир онай исимлик бир түрк йашниң бинаға от кәткәнликини байқап, дәрһал бинадикиләргә хәвәр бәргәнликини вә бинаға кирип үч кишини қутқузғанлиқини, төтинчи кишини қутқузуватқанда тумандин зәһәрлинип һошидин кәткәнликини билдүрди.
берлин сақчилири дохтурханиға апирилған бурак қадир онайниң саламәтлик әһвалиниң йахши икәнликини әскәртти.
түркийәниң берлинда турушлуқ баш консули мустафа чәлик дохтурханиға берип, бурак қадир онайни зийарәт қилди. мустафа чәлик: «бурак һәқиқий қәһриман, үлгилик шәхс. уни тәбриклидуқ, шүкриләр болсунки униң әһвали йахши» деди.
у вәқәдә җенидин айрилғанлар ичидә түркийә пуқралириниң йоқлуқини қәйт қилди.
