негирийәдә боко һарамға әҗәллик зәрбә берилди
негирийәниң шәрқий җәнубидики диффа районида елип берилған һәрбий һәрикәттә боко һарам тәшкилатиға әза 33 террорчи уҗуқтурулди.
түркийә авази радийоси хәвири: йәрлик мәтбуатларниң хәвиригә асасланғанда, негирийә армийәси диффа районидики чад чөли әтрапида 9 – мартта тәкшүрүш һәрикити башлиған. 4 күнлүк тәкшүрүш җәрйанида, 33 террорчини уҗуқтуруп нурғун қорал - йарақларни қолға чүшүргән.
боко һарам тәшклатиниң алдинқи һәптә диффадики гуескеро районда турушлуқ жандарма понкитиға қилған һуҗумида, 7 әскәр өлүп, 20 әскәр йаридар болған иди.
негирийә чеграсиға йеқин җайға орунлашқан даффа райони 2015 – йилидин буйан боко һарамниң һуҗумлириға көп учрап кәлмәктә иди.
аммивий тәшкилатлар һөкүмәтниң райондики җиддий һаләтни йумшитишни тәләп қилиши асасида белиқчилиқ вә дора - дәрмәк ишләпчиқириш ишлириға даир чәклимиләр әмәлдин қалдурулди. шуниң билән тәң боко һарамниң һуҗумлириму йуқури өрләшкә башлиған иди.
негирийәдә 2000 – йилиниң бешидин бери паалийәт башлиған боко һарам террорлуқ тәшкилати 2009 – йилидин етибарән елип барған колликтип зорванлиқ һәрикәтлиридә җәмий 20 миңдин көпрәк кишиниң җениға замин болди.