америкида мусулманлар әң көп айримчилиққа учриған
америкида елип берилған йеңи бир тәкшүрүштә, әң көп айримчилиққа учриғанларниң мусулманлар икәнлики оттуриға чиқти.
түркийә авази радийоси хәвири: америкиниң алдинқи қатардики хәвәр мунбәрлиридин «The Hill» тәтқиқат ширкитиниң «HarrisX» билән ортақ елип барған тәкшүрүшлиридә, америкида әң көп айримчилиққа учриған диний гуруппилар һәққидә тәпсилий нәтиҗиләр елан қилинди.
1 - марттин 3 – мартқичә тизимға елинған 1003 нәпәр сайлиғучи үстидә елип берилған тәкшүрүшкә қетилғанларниң %85 и америкида әң көп айримчилиққа учриғучиларниң мусулманлар икәнликини билдүрди.
америка авам палатасиға миннесотадин киргән тунҗи мусулман айал парламент әзаси илхан өмәрниң исраилийә һәққидә қилған сөзлири билән башланған талаш – тартишларниң тәсиридә елип берилған тәкшүрүш америкидики диний айримчилиққа даир пикирләрни оттуриға қойуш җәһәттин мәнилик дәп қаралди.
илхан өмәргә алақидар талаш – тартишлар давамлишиватқан бир пәйттә америка – ислам мунасивәтлири кеңиши «CAIR» тәрипидин елан қилинған йеңи тәкшүрүш нәтиҗисидиму, йеқиқни мәзгилдин буйан америкида исламға өчмәнлик қилиш еқиминиң йуқири өрләватқанлиқини оттуриға қойуп, һәмминиң диққитини тартқан иди.
