хуавей бирйусселда мәркәз тәсис қилди

түркийә авази радийоси хәвири: хитай ширкити хуавей, белгийәниң пайтәхти бирйусселда «сибәр хәвпсизлик вә сүзүклик мәркизи»ниң ечилиш мурасимини өткүзди.

дөләт органлири, мутәхәссисләр, аммиви орунлар, ширкәтләр вә истемалчиларға учур-алақә қуруш мунбири бәрпа қилишни мәқсәт қилидиған бу мәркәз, хуавейниң сибәр хәвпсизлик пирограммилири, тәтқиқат вә тәрәққийат хизмәтлири вә мәһсулатлири тоғрулуқ алақидар орун вә шәхсләрни учур-мәлуматлар билән тәминләйду.

ечилиш мурасимида сөз қилған хуавей гуруһиниң директор вәкили кен ху, сибәр хәвпсизлик мәркәзлири вастиси арқилиқ, хәвпсизлик өлчәмлири вә хәвпсизлик технологийәлири қатарлиқ саһәләрдә херидарлири билән техиму йеқин мунасивәт орнитишни арзу қилидиғанлиқини ейтти.

дигитал дәврдә ишәнч бәрпа қилишниң толиму муһим икәнликини ейтқан вәкил кен ху, хуавей ширкитиниң бу мәсилигә зор дәриҗидә әһмийәт берип келиватқанлиқини әскәртти.

америка қошма иштатлири йавропа дөләтлирини хитай ширкити хуавей билән болған һәмкарлиқни тохтитишқа чақирғаниди.