фирансийә чеградин тәкшүрүп өткүзүш түзүминиң муддитини узартишни пиланлимақта
фирансийә ички ишлар министири киристоф кастанер, чеградин тәкшүрүш өткүзүш түзүминиң муддитини узартишни пиланлаватқанлиқлирини билдүрди.
түркийә авази радийоси хәвири: фирансийә ички ишлар министири киристоф кастанер, 2015 – йилидики париж һуҗумидин кейин шәнгән (йавропа иттипақиға әза дөләтләр арисидики әркин сайаһәт қилиш келишимигә тәрәп болған дөләтләр) ни тоңлитип қойуп иҗра қилишқа башлиған чеградин тәкшүрүш өткүзүш түзүминиң муддитини узартишни пиланлаватқанлиқлирини билдүрди.
киристоф кастанер дөләт мәҗлисидә сөз қилип, май ейидин башлап чеградин тәкшүрүп өткүзүш түзүмини, дөләтниң җәнубиға җайлашқан биаритзда 24 – 26 авғуст күнлири ечилидиған 7 дөләт гуруһи башлиқлар йиғини даирисидә йәнә бир қетим узартишни халайдиғанлиқлирини әскәртти.
фирансийә чеградин тәкшүрүп өткүзүш түзүми даирисидә, адәттики әһвалларда чеградин әркин кирип – чиқидиған йавропа иттипақи әзаси вә шәнгән рамкиси ичидики қошнилириниң пуқралирини тәкшүрүп өткүзүш сийаситини иҗра қилмақта.
чеградин тәкшүрүп өткүзүш түзүминиң муддити буниңдин илгири 40 – апрелғичә узартилғаниди.
фирансийә, 2015 – йили 13 – нойабирда парижда йүз бәргән һуҗумдин кейин җиддий һаләт елан қилип, чегралардин әркин өтүш түзүмини тоңлитип қойғаниди.
чеградин тәкшүрүп өткүзүш түзүми һазирғичә 6 қетим узартилди.
җиддий һаләт түзүми болса, терроризмға қарши күрәш вә җәмийәт аманлиқини сақлашқа қанун – түзүмләрниң чиқирилишидин кейин өткән йили әмәлдин қалдурулғаниди.
германийә, австрийә, данийә, шиветсийә вә норвегийәму чеградин тәкшүрүп өткүзүш түзүмини иҗра қилмақта. бу сийасәт терроризмға қарши күрәш билән биргә қанунсиз көчмәнликниң алдини елиш мәқситидиму йолға қойулмақта.
