зораванлиқ вәқәлири нигерийәликләрниң турмушиға еғир күлпәтләрни елип кәлди

түркийә авази радийоси хәвири: нигерийә мәмликәтлик җиддий әһвалларни башқуруш агентлиқи тәрипидин елан қилинған йардәм вә апәт башқуруш доклатида көрситилишичә, 2018 – йили кадуна өлкисидә йүз бәргән һәр хил зораванлиқ вәқәлири йүзисидин 20679 адәм райондин кетип қелишқа мәҗбур болған.

мәзкур өлкидә йүз бәргән су апити, диний тоқунушлар вә қәбилә урушлири түпәйли 14222 адәм өй – макансиз қалған, 6457 адәм болса, қораллиқ кишиләрниң һуҗумлири йүзисидин өй – маканлирини тәрк қилған.

өлкә миқйасида йүз бәргән йеқинқи бир йилдики зораванлиқ вәқәлиридә 256 адәм җенидин айрилған؛ буларниң 129 и қораллиқ һуҗумларда, 92 си болса диний вә қәбилә урушлирида бу дунйа билән видалашқан. 200 дин артуқ өйгә от қойуп берилгән, 11 адәм издерәксиз йоқап кәткән.