венезуелада өктичи рәһбәр гуайдо һәққидә тәкшүрүш башланди

түркийә авази радийоси хәвири: венезуела дөләтлик тәкшүрүш идарсидин елан қилинған байанатта, көпинчә ғәрб дөләтлири тәрипидин венезуеланиң вақитлиқ пирезиденти дәп етирап қилинған гуайдониң хәлқаралиқ вә дөләтлик органлардин һеч қандақ сәвәб көрсәтмәстин пул алғанлиқи илгири сүрүлди.

венезуела дөләтлик тәкшүрүш идарси башлиқи елвис аморосо парламент әзалириниң вәзипә өтәш җәрйанида хусусий йаки дөләтлик башқа һәр қандақ бир органдин вәзипә үчүн пул елишиға болмайдиғанлиқини тәкитләп, гуайдониң мал – мүлкини билдүргән доклатидиму бәзи йалған санлиқ мәлуматларниң барлиқини ейтти. 

гуайдониң җинайити испатланған тәқдирдә җәриманә йаки дөләт хизмитидин узақлаштуруш җазаси елиши мумкин. бундақ әһвалда униң парламент әзалиқи вә вақитлиқ пирезидентлиқ вәзиписиму әмәлдин қалған болиду. буниңдин башқа йәнә гуайдони җазалаш делоси ечилишиму мумкин.

венезуелада көпинчиси өктичиләрниң қолидики дөләтлик парламентниң башлиқи гуайдо өктичиләрниң өткән айдики йиғилишида, өзини вақитлиқ пирезидент елан қилвалған вә америка, австиралийә, канада, коломбийә, перу, еквадор, парагвай, беразлийә, чили, полша, аргентина, коста рика, гватемала қатарлиқ дөләтләр уни етирап қилған иди. ахирида йавропа парламентиму уни етирап қилишқа қарап қәдәм ташлимақчи болған иди. 

түркийә мекисика, русийә, иран, куба, хитай, вә болевийә қатарлиқ дөләтләр венезуела пирезиденти николас мадуро һөкүмитини қоллайдиғанлиқини тәкитлигән иди.

мадоруму бу ишлардин кейин америка билән болған депломатик вә сийасй мунасивәтләрни үзүп ташлиғанлиқини, бирақ иқтисадий мунасивәтләрниң давамлишидиғанлиқини елан қилға иди.

америка пирезиденти донлад трамп венезуелаға әскәр йоллашниму таллашлардин бирси дәп қарайдиғанлиқини ейтқан иди.