salwadordiki saylamda tégi pelestinlik bolghan nayib buqele utup chiqti

türkiye awazi radiyosi xewiri: ottura amérika döliti salwadorda ötküzülgen pirézidéntliq saylimida tégi pelestinlik bolghan nayib buqele utup chiqti.

aliy saylam komitéti, 4 namzat riqabetleshken saylamda memliketlik birlik üchün büyük ittipaq birleshmisi namzati buqelening  54% awazgha érishkenlikini uqturdi.

saylamda jumhuriyetchiler ittipaqi partiyesining namzati karlos kallérjas texminen %32 awazgha ériship ikkinchi, hakimiyet béshidiki memliketlik erkin partiyesining bashliqi hugo martinéz %14 awazgha ériship üchinchi boldi.

wamos herikiti namzati karxanchi josus alwarador bolsa %1 awazghimu érishelmidi.

buqele saylamning tunji basquchidila yéterlik awazgha érishkenliki üchün, bu yil martta ötküzülüshi pilanlanghan saylam ötküzülmeydiken.

saylamda musteqilchilar ittipaqi namzati buqelening utup chiqishi, salwadorni 25 yildin buyan bashqurup kéliwatqan ikki partiyening hakimiyetni qoldin bérip qoyushining bishariti dep qaralmaqta.

6 milyon 500 ming nopusi bolghan alwadorda, nopusning üchte biri namratliq ichide yashaydu. turmush sharaitining qiyinliqi tüpeyli yurt-makanlirini tashlap kétishke mejbur bolghan yüz minglarche adem, bashqa ottura amérika puqralirimu bolghan köchmenler karwinigha qoshulup amérika chégrasigha qarap yolgha chiqqanidi.