kaliforniyede oqutquchilar ish tashlidi
amérikaning kaliforniye ishtatigha qarashliq los anzhélis shehiride 32 mingdin artuq oqutquchi we bashqa mektep xizmetchiliri ish tashlidi.
türkiye awazi radiyosi xewiri: kaliforniyening los anzhélis shehiridiki ish tashlash sewebidin 600 ming dek oqughuchining oqushi aqsap qaldi.
amérika taratquliridiki xewerlerde körsitilishiche, döletning eng chong ikkinchi mektep rayoni hésablinidighan sheherde, «los anzhélis oqutquchilar birleshmisi» namliq uyushma bilen los anzhélis birleshme mektep rayoni hökümiti otturisidiki uzun waqittin buyan dawamlishiwatqan söhbetlerde, telep qilinghan netije chiqmighan. terepler, rayondiki texminen ming mektep üchün téximu kichik siniplar, oqutquchilarning maashini östürüsh, téximu köp yétekchi we sistiralarni xizmetke teyinlesh mesililiride kélishken bolsimu, fond miqdarini belgileshte kélishim hasil qilalmighan. söhbettin kéyin, sheherdiki 32 mingdin artuq oqutquchi we bashqa mektep xizmetchiliri ish tashlashni qarar qilghan. bu sewebtin, 600 ming dek oqughuchining oqushi aqsap qalghan. ish tashlash yüz bergen bolsimu, yéngidin xizmetke bölüngen 2 ming rehbiri kishi we 400 dek zapas oqutquchi bilen oqutush ishlirining dawamlishidighanliqi uqturulghan. biraq, bu mekteplerdiki oqutquchi yétishmeslikini hel qilalmaydiken.
los anzhélistiki oqutquchilar 30 yildin artuq waqittin buyan tunji qétim ish tashlidi.
