xitayning xuawéy shirkitining diriktori polshada jasusluq qilish jinayiti bilen nazaretke élindi
polsha alahide tekshürüsh orgini rehberliridin makizh wasik bu qolgha élishning uzundin buyan dawamlishiwatqan bir tekshürüshning netijisi ikenlikini éytti.
türkiye awazi radiyosi xewiri: xitayning warshawada turushluq elchixanisining bir mesulimu xitay wekillirining polsha tashqi ishlar ministirliqi mesulliri bilen körüshüp meslini muzakire qiliwatqanliqini éytti.
polsha dölet téléwiziyesi «TVP» ning dölet ichki bixeterlik orginini menbe körsetken xewiride, xuawéy shirkitining xitay diriktori bilen yerlik bir shirketning sabiq xadimining seyshenbe küni nazaretke élinghanliqini bildürdi.
ismi «wéjing w» dep élan qilinghan xitay diriktor bilen birge ötmüshte jasusluq idarisi üchünmu xizmet qilghan polsha puqrasi bir kishiningmu xitay döliti üchün jasusluq paaliyiti bilen shughullanghanliqi bildürüldi.
polsha bixeterlik tarmaqliri teripidin xuawéy we yerlik uchur alaqe shirkiti «Orange Polska» ning warshowadiki ishxanilirida tekshürüsh élip bérilghanliqi, höjjetler we élkétironluq sanliq melumatlarning musadire qilghanliqi qeyt qilindi.
nazaretke élinghan xuawéy diriktori bilen yene bir kishining öyliri axturuldi. polsha alahide tekshürüsh orgini rehberliridin makizh wasik bu qolgha élishning uzundin buyan dawamlishiwatqan bir tekshürüshning netijisi ikenlikini bildürüp, «her ikki kishi polshagha qarshi jasusluq paaliyiti bilen shughullanmaqta idi» dédi.
polsha dölet téléwiziyesi «TVP» xitay diriktor bilen polsha puqrasining étirap qilghili we bayanat bergili unimay özlirining gunahsiz ikenlikini ilgiri sürüp turiwalghanliqini, eger jinayiti ispatlanghan teqdirde 10 yilliq qamaq jazasi bérilidighanliqini bildürdi.
xuawéyning xitaydiki merkizi bolsa, ehwalning tekshürüliwatqanliqini jakarlidi.
xuawéyning xitaydiki merkizi ishxanisi teripidin élan qilinghan bayanatta, xuawéy shirkitining paaliyet qiliwatqan barliq döletlerning qanunigha riaye filip kéliwatqanliqi we xadimliridinmu buni qattiq telep qilidighanliqi bildürüldi.
xitayning warshawada turushluq elchixanisidin bir mesulmu xitay hökümitining bu meslige qattiq ehmiyet béridighanliqini, xitay wekillirining polsha tashqi ishlar ministirliqi mesulliri bilen körüshüp meslini muzakire qiliwatqanliqini éytti.
