һиндонезийәдики йәр көчүш вәқәсидә өлгәнләрниң сани көпәйди
һиндонезийәниң ғәрбий җава өлкисигә җайлашқан сукабуми районида қара йамғур кәлтүрүп чиқарған йәр көчүш вәқәсидә һайатидин айрилғанларниң сани 18 гә йәтти.
1119315
түркийә авази радийоси хәвири: «‹компас› гезити» ниң хәвәр қилишичә, 2018 – йили 31 – декабир күни сукабуми райониға җайлашқан сирнаресми йезисида 30 өй олтурушуп кәткән йәр көчүш вәқәсидә һайатидин айрилғанларниң сани 18 гә йәткән болуп, из - дерәксиз йоқап кәткән 15 кишини издәш - қутқузуш паалийәтлири давамлашмақта икән.
алақидар тармақларниң билдүрүшичә, издәш - қутқузуш паалийәтлирини йәкшәнбә күни ахирлаштуруш пиланланмақта икән.
хәвәрләрдә дейилишичә, йәр көчүш вәқәсидә 100 киши зийанға учриған, 3 киши йариланған, 64 киши бихәтәр районға орунлаштурулған.
пәсиллик йамғур көп йағидиған вә тирупик килиматниң тәсиригә учрап туридиған һиндонезийәдә һәр йили даим дегүдәк қаттиқ йамғур сәвәбидин су һәм йәр көчүш апәтлири йүз берип туридикән.
