ئامېرىكا موسكۋادا نازارەتكە ئېلىنغان پۇقراسىنى تەلەپ قىلدى

تۈركىيە ئاۋازى رادىيوسى خەۋىرى: ئامېرىكا تاشقى ئىشلار مىنىستىرى مايك پومپېئو رۇسيەنىڭ پايتەختى موسكۋادا نازارەتكە ئېلىنغان ئامېرىكا پۇقراسى پاۋۇل ۋېلاننىڭ قويۇپ بېرىلىشى ھەققىدە رۇسىيەگە چاقىرىق ئېلان قىلدى.

رۇسىيە فېدېراتىسيە بىخەتەرلىك ئىدارىسى «FSB» مۇسكوۋادا جاسۇسلۇق قىلغانلىقىدىن گۇمانلانغان بىر ئامېرىكا پۇقراسىنىڭ 28 – دېكابىردا نازارەتكە ئېلىنغانلىقىنى جاكارلىغان ئىدى.

ئامېرىكا تاشقى ئىشلار مىنىستىرى مايك پومپېئو بېرازىلىيە پىرېزىدېنتى جائىر بولسونارونىڭ قەسەم ئىچىش مۇراسىمىدا، مەسىلە ئۈستىدە توختىلىپ، مۇسكۋادا «ئامېرىكىغا جاسۇسلۇق قىلدى» دېگەن گۇمان بىلەن نازارەتكە ئېلىنغان پىنسىيەگە چىققان دېڭىز ئارمىيە ئەسكىرىنىڭ دەرھال قويۇپ بېرىلىشىنى تەلەپ قىلدى. 

رۇسىيە فېدېراتسىيەسى قانۇنلىرىغا ئاساسلانغاندا، پاۋۇل ۋېلان ھەققىدە ئېچىلغان جاسۇلۇق دېلوسىدا، ئۇنىڭ 10 ياكى 20 يىللىق قاماق جازاسىغا ھۆكۈم قىلىنىشى مۇمكىن ئىكەن.