норвегийә көп пәрзәнтлик болушни чақириқ қилди

түркийә авази радийоси хәвири: норвегийә баш министири ерна солберг йеңи йил тәбрикләш сөз қилғанда, икки пәрзәнтлик болуш тоғрисида тохталди. у сөзиниң көп қисмини параванлиқ түзүминиң буниңдин кейинму мәвҗут болуп давамлишиши үчүн зөрүр болған нопус көпийишигә аҗратти.

у норвегийә айаллириниң оттура һесаб билән 1.6 бала көридиғанлиқини билдүрүп, норвегийә параванлиқ системисиниң давамлишиши үчүн пәрзәнт саниниң йетәрлик әмәсликини, шуңа норвегийә хәлқиниң икки пәрзәнтлик болуши керәкликини тәкитлиди.

у һазирқи түзүмниң йәнә 10 йил мәсилисиз мәвҗут болидиғанлиқини, баҗ төләйдиған нопус көпәймигән тәқдирдә, норвегийә параванлиқ системисида мәсилиләрниң көрүлүшкә башлинидиғанлиқини қәйт қилди.

2013- вә 2017-йиллирида өткүзүлгән икки қетимлиқ сайламда арқа-арқидин ғәлибә қилип, норвегийәниң айал баш министири болған ерна солберг 58 йаш болуп, икки пәрзәнти бар.