исраилийәниң пәләстинликләрни сүргүн қилишқа тәййарлиниватқанлиқи билдүрүлди
йәдиот ахронот гезитиниң хәвәр қилишичә, исраилийә пуқралирини өлтүргән пәләстинликләрниң аилилириниң ғәрбий қирғақтики өйлиридин қоғлап чиқирилишини мәзмун қилған қанун лайиһәсини мақуллиған.
түркийә авази радийоси хәвири: исраилийә ички кабинити қанун чиқириш комитети, исраилийә пуқралириниң өлүмигә сәвәб болған пәләстинликләрниң аилә – тавабиатлириниң ғәрбий қирғақтики өйлиридин чиқириветилишини мәзмун қилған қанун лайиһәсини мақуллиди.
йәдиот ахронот гезитиниң хәвәр қилишичә, исраилийә пуқралирини өлтүргән пәләстинликләрниң аилилириниң ғәрбий қирғақтики өйлиридин қоғлап чиқирилишини мәзмун қилған қанун лайиһәсини мақуллиған.
ашқун оңчил йәһудий өйи партийәси парламент әзаси моти йогев тәрипидин сунулған қанун лайиһәсигә қариғанда, бир йәһудийни өлүмигә сәвәб болған вәқәни пәйда қилғучиниң биринчи дәриҗидики уруқ – туғқанлири 7 күн ичидә ғәрбий қирғақтики өйлиридин қоғлап чиқирилип, йәнә ғәрбий қирғақтики башқа бир йәргән сүргүн қилинидикән.
қанун лайиһәсиниң тәтбиқлиниши үчүн исраилийә һөкүмитидин кейин парламентниңму мақуллуқидин өтүшигә тоғра келиду. гезитниң хәвиригә қариғанда, һөкүмәт әдлийә ишлири мәслиһәтчиси авичаи манделблит, қануний асасқа игә әмәсликини әскәртип, лайиһәгә қарши чиққан.
манделблит, мунасивәтлик лайиһәниң хәлқара қанунға зит икәнлики тоғрисидики доклатини һөкүмәтниң қанун чиқириш комитетиға буниңдин илгири сунғаниди.
у, бир аилиниң йашаватқан өйидин қоғлап чиқирилиши үчүн, у аилиниң җинайәт билән биваситә алақиси болуши керәкликини илгири сүргән.
