фирансийәдә 2 миң йавродин төвән мааш алидиғанларниң мааши өстүрүлиду

түркийә авази радийоси хәвири: фирансийә пирезиденти макрон сериқ җилиткиликләр тоғрисида: «дөләттә наһайити чоңқур вә һәқлиқ ғәзәп-нәпрәт мәвҗут. иқтисадий вә иҗтимаий характерлик җиддий һаләт елан қилимән. 2 миң йавродин аз мааш алидиғанларниң мааши өстүрүлиду» деди.

у әң төвән маашқа 2019-йил йанвардин башлап 100 йавро қошуп берилидиғанлиқини ейтти вә хусусий ширкәт вәкиллиригиму охшаш усулни тәвсийә қилди. у мундақ деди:

«буниңдин бурун қилған сөзлиримниң кишиләрни рәнҗиткәнликини билимән, йеқинқи 40 йил ичидә кишиләрниң турмушиниң начарлишишқа қарап маңғанлиқини көрдуқ, бу һелиһәм давамлишиватиду, бу һәқтики мәсулийәтни қобул қилимән. биз йеқинқи 1.5 йил ичидә, бу мәсилигә диққәт қилишта кейин қалдуқ. силәргә башқа техиму муһим ишлар бардикидәк тәсират бәрдим.»

у намайишларда йүз бәргән зораванлиқларни һечқандақ шәкилдә кәчүрмәйдиғанлиқлирини, һәр қандақ ғәзәп-нәпрәтниң сақчиларға қилинған зораванлиқниң тоғрилиқини көрситип бәрмәйдиғанлиқини, сүкүтниң һөкүмран болуши керәкликини билдүрди.

у бир тарихий бурулуш нуқтисида туруватқанлиқлирини вә мәсилини дийалог йоли билән һәл қилидиғанлиқлирини әскәртип: «пирезидентлиққа намзат болғанда бәргән вәдилиримни унтуп қалмидим. фирансийәдә пәрзәнтлиримизниң биздин техиму йахши турмуш кәчүрүшини халаймән» деди.

у чоңқур дөләт ислаһатиға еһтийаҗлиқ икәнликлирини, бу җәһәттә хәлққиму муһим вәзипиләрниң чүшидиғанлиқини қәйт қилди.

пирезидент макрон нәқ мәйдан телевизийә пирограммисида мәзкур байанатини елан қилиштин бурун, төт һәптидин буйан намайиш қилған сериқ җилиткиликләр сәвәб болған «киризис» ни һәл қилиш үчүн һәр қайси ишчилар уйушмилириниң вәкиллири билән көрүшти.

әмгәк министири мурийел пеникавд пирезидент макронниң сериқ җилиткиликләрниң ғәзипини пәсәйтиш үчүн муһим байанатларни елан қилидиғанлиқини уқтурған иди.

шәһәр мәркәзлиридә өй иҗрасиниң қиммәт болуши сәвәбидин шәһәр әтрапида олтуридиғанлардин тәшкилләнгән вә 17-нойабирдин тартип намайиш қилватқан «сериқ җилиткликләр», макрондин иқтисадий шараитларни йахшилашни тәләп қилмақта иди.

«сериқ җилиткиликләр» наразилиқ билдүргән йеқилғу баһасиниң 2019-йили өстүрүлмәйдиғанлиқи елан қилинған болсиму, намайишчилар буни йетәрсиз дәп қарап намайишлирини давамлаштурған иди.