trampning soda urushi toghrisida qilghan sözi qiziq témigha aylandi
amérika pirézidénti donald trampning xitay bilen dawamlishiwatqan soda muzakireliri üstide toxtalghanda özini «tamozhna béji adem» (tariff man) dep atishi, chaqchaq témisigha ayandi.
türkiye awazi radiyosi xewiri: amérika pirézidénti donald trampning ötken hepte axiri xitay dölet reisi shi jinping bilen argéntinada chaqirilghan G20 dölet guruhi yighinida ötküzgen uchrishishi toghrisida twittérda élan qilghan bayanatliri, qiziq nuqtigha aylandi.
pirézidént tramp: «reis shi bilen men soda kélishimining tüzülüshini xalaymiz. belkim kélishim tüzülidu. eger tüzülmise, shuni untumanglarki, men tamozhna béji adem. xelqimizning mol bayliqini bulang-talang qilish üchün kelgen kishiler yaki döletlerning buni qilishi üchün bedel tölishini telep qilimen» dédi.
«The Late Night Show» pirogrammisining komidiyelik riyasetchisi stéfin kolbért parodi: «xasiyetlik adem» qonchaq filimidiki xasiyetlik ademning xaraktérini misal keltürüp: «tamozhna béji ademning, paytextte iqtidarsiz pirézidént donald tramp maskisi astigha yoshurunuwaldi» dep chaqchaq qildi.
pirogrammining yene bir riyasetchisi jéymis kordénmu trampning baj oghrilighanliqi toghrisidiki dewalargha ima qildi. u: «tamozhna béji, baj dégenliktur. tramp démisimu baj tölimeydu. méningche, xasiyetlik qehrimanlar bar bolghan qonchaq roman dunyasi bir az köp kéngiyiwatidu» dédi.
amérikadiki siyasetchilermu trampning «tamozhna béji adem» dégen sözige, chaqchaq arilash inkas qayturdi.
2016-yil ötküzülgen pirézidéntliq saylimida hilari klintonning muawinliqigha namzat körsitilgen wirjiniye ishtatining démokrat kéngesh palata ezasi kim keyin twittérda: «baj adimi manga bitlés ansambilining <héchqaysi yerge tewe bolmighan adem> dégen naxshisini esletti, küchining bériche kor boluwalidu, peqet körüshni xalighan nersisinila köridu» dédi.
minnésota ishtatidin kongre ezaliqigha saylanghan yaghliq chégidighan tunji musulman ayal ilxan ömermu: «tamozhna béji adem bügüngiche yashap ötken eng nachar xasiyetlik adem, bajlirimizni östürüwatidu, iqtisadimizni tügeshtürüwatidu» dédi.
buningdin burun pirézidént trampning özini «pirézidént t.» (President T.) dep atishimu, buninggha oxshaydighan chaqchaqlargha seweb bolghan idi.
مۇناسىۋەتلىك خەۋەرلەر
amérika – xitay dölet mudapie ministirliri singaporda körüshidu
amérika – xitay dölet mudapie ministirliri kéler hepte singaporda tunji qétim yüzturane körüshidu.
