gérmaniyede bir pop 120 ming yawro oghrilighanliqini étirap qildi
gérmaniyening saksonya anxalt ölkisige jaylashqan ballénstadit shehiridiki bir chirkawda wezipe ötewatqan pop chirkaw sanduqidin 120 ming yawro oghrilidi.
1090606
türkiye awazi radiyosi xewiri: magdéborg poplar bashqarmisidin élan qilinghan bayanatta, eziz élizabét katolik chirkawida wezipe ötewatqan bérnard gawliyta isimliq popning saqchigha özini melum qilip, chirkaw sanduqidin 120 ming yawro oghrilighanliqini étirap qilghanliqi bildürüldi.
bérnard gawliyta intérnét aldamchilirining aldam xaltisigha chüshkenliki üchün bu oghriliq jiayitini ötküzüshke mejbur bolghanliqini ilgiri sürdi.
magdéburg poplar bashqarmisi bashliqi rahip gérhard fég popning wezipisidin élip tashlanghanliqini bildürüp, «héch bir késhi chirkawning pulini eslidiki nishandin tashqiri ishlargha ishlitelmeydu» dédi.
pop bérnard gawliyta heqqide hem edliyede, hem chirkawlar ichide tekshürüsh bashlanghanliqi qeyt qilindi.
