майк пенс бирманиң араканлиқ мусулманларға қилған зулуминиң «өзриси болмайдиғанлиқи»ни ейтти

түркийә авази радийоси хәвири: америка муавин пирезиденти майк пенс, бирма лидери аң сан су чигә араканлиқ мусулманларға қаритилған зораванлиқ қилмишлириниң «өзриси болмайдиғанлиқини»ейтти.  

33-нөвәтлик шәрқий җәнубий асийа дөләтләр иттипақи алий рәһбәрләр йиғиниға қатнишиш үчүн сингапурға барған пенс, бирма һөкүмитиниң тәлипигә бинаән бирма лидери сучи билән көрүшти.

пенс мухбирларниң соаллириға җаваб бәргәндә, мусулманларға қаритилған зулумға вә пикир әркинликиниң чәклимигә учришиға сүкүт қилиш билән әйиблинип келиватқан бирма лидери сучиға араканлиқ мусулманларға қаритилған зораванлиқниң «өзриси болмайдиғанлиқи»деди.

пенс йәнә бирма лидери сучиға бирмада ройтерс мухбириниң қолға елинип җазаландурулушиниң милйонларчә америкалиқни биарам қилғанлиқиниму әскәртти.

бирма лидери сучиниң муавин пирезидент пенисқа бирма һөкүмитиниң араканда немиләр йүз бериватқанлиқи тоғрисида чүшәнчила берип қойидиғанлиқини , аракандики һадисиләрни һәммидин бәкрәк американиң йахши чүшинидиғанлиқини дегәнлики билдүрүлди.  

бирләшкән дөләтләр тәшкилати 2017-йили 25-авғусттин кейин араканни ташлап баңладештин панаһлиқ тилигән мусапир саниниң 725 миңға йәткәнликини билдүрди.

хәлқара инсан һәқлири органлири  араканниң вәзийити тоғрулуқ сүний һәмраһ көрүнүшлири елан қилип йүзләрчә йезиниң йоқ қилинғанлиқини испатлап чиқти.

араканлиқларниң земиниға қайтип кетиши үчүн бирма билән баңладеш һөкүмәтлири оттурисида һасил  қилинған келишимниң, йурт-маканлиридин айрип қалғанларниң әһвалини испатлийалмиғанлиқлири сәвәблик иҗра қилиналмайватқанлиқи билдүрүлди.  

б д т вә хәлқара инсан һәқлири тәшкилатлири араканлиқ мусулманларға қаритилған зораванлиқ қилмишини «етник тазилаш»йаки «ирқий қирғинчлиқ»дәп атап кәлмәктә.