trampning seudi erebistanliq zhurnalist heqqide bergen melumatining yalghan ikenliki ilgiri sürüldi
amérika qoshma ishtatliri pirézidénti donald trampning yoqap ketken seudi erebistanliq zhurnalist jamal qashiqchi heqqide bergen melumatining toghra emesliki ilgiri sürüldi.
türkiye awazi radiyosi xewiri: amérika qoshma ishtatliri pirézidénti donald tramp 2 – öktebir küni seudi erebistanning istanbuldiki bash konsulxanisigha kirgendin kéyin yoqap ketken öktichi zhurnalist jamal qashiqchi heqqide élan qilghan bayanatida, mundaq dégenidi: «istanbulda bizning teptishlirimiz bar, weqeni türkiye bilen birlikte, toghriraqi seudi erebistan bilen birlikte tekshürüwatimiz, weqening sirini choqum éniqlap chiqimiz.»
tramp amérikining «‹ Fox › téléwiziye qanili» ning ziyaritini qobul qilghanda bergen bayanatida, bu mesilini yéqindin teqib qiliwatqanliqlirini, jümlidin bu mesilini türkiye we seudi erebistan bilen birlikte tekshürüwatqanliqlirini yétqanidi.
melumatlargha qarighanda, diplomatik menbeler, «amérika qoshma ishtatlirining seudi erebistanliq öktichi zhurnalist jamal qashiqchi heqqide bergen melumatliri toghra emes» dégen.
seudi erebistanliq islahatchilargha nisbeten muhim munber hésablinidighan «‹weten› géziti» ge muhim töhpilerni qoshqan hemde gherb taratqulirida ottura sherq rayonigha munasiwetlik xewerliri bilen tonulghan jamal qashiqchi, 2 – öktebir küni resmiyetlirini béjirish üchün seudi erebistanning istanbuldiki bash konsulxanisigha kirgendin kéyin yoqap ketkenidi.
