малайшийада 15 киши һарақтин зәһәрлинип өлди
малайшийада 15 кишиниң һарақтин зәһәрлинип өлгәнлики илгири сүрүлди.
түркийә авази радийоси хәвири: малайшийада һарақтин зәһәрләнгәнлики илгири сүрүлгән 15 киши җенидин айрилди.
«стар»гезитиниң бу һәқтики хәвиригә қариғанда, сәлангор сақчи идариси башлиқи мазлан мәнсур куалалумпурдики бәзи дуканлардин сетивелинған һарақларни ичкән 15 адәмниң өлгәнликини билдүргән.
мәнсур һарақтин зәһәрләнгән болуш еһтималлиқи болған 33 адәмниңму дохтурханиға йатқузулғанлиқини ейтти.
һарақтин зәһәрлинип җенидин айрилғанлиқи илгири сүрүлгән кишиләр ичидә чәт әлликләрниңму барлиқини ейтқан мәнсур: өлүмниң сәвәби җәсәт тәкшүрүлгәндин кейин рәсмий айдиң болиду. лекин көзитишләргә қариғанда, өлгән кишиләрниң һарақтин зәһәрләнгән болуш еһтимали йуқири, деди.
билдүрүлүшичә, сақчилар бу вәқәдин кейин бәзи дуканлардики һарақларни йиғивалған.
