йапонийәдә йүз бәргән йәр тәврәштә өлгәнләрниң сани көпәйди
йапонийәниң шималидики хоккайду арилида 6 – сентәбир күни мәйданға кәлгән 6.7 бал чоңлуқтики йәр тәврәштә һайатидин айрилғанларниң сани 30 ға йәтти.
түркийә авази радийоси хәвири: хоккайдо йәрлик һөкүмитиниң билдүрүшичә, орманлиқта көп санда йәр көчүшни кәлтүрүп чиқарған йәр тәврәштә һайатидин айрилғанларниң сани 30 ға йәткән, из - дерәксиз йоқап кәткән 9 киши һазирғичә тепилмиған болуп, тупрақ астида қалған дәп қариливатқан кишиләрни издәш - қутқузуш паалийәтлири давамлашмақта икән.
мәлуматларға қариғанда, 3 кишидин башқиларниң һәммиси йәр көчүш апәтлири орманлиқтин тәшкил тапқан егизликләргә зийан йәткүзгән олтурақ районлириға җайлашқан атсума йезиси әтрапида йүз бәргән йәр тәврәштә қаза қилған болуп, 5.4 милйон нопуслуқ аралдики аһалиниң тәхминән йеримини ток билән тәминләш хизмити башланған, тақалған хәлқаралиқ айродурум қайтидин ечилған.
мотор ишләпчиқиришниң көп қисмини бу йәрдики заватларда ишқа ашуридиған дунйаға даңлиқ «тойота» аптомобил гуруһи, йәр тәврәш апити сәвәбидин, мотор ишләпчиқиришни вақитлиқ тохтатқанлиқини уқтурған.
