italiyediki köwrük weqeside jénidin ayrilghanlar sanida éshish körüldi
tünügün (14-awghust) italiyening jenowa shehiride A10 tashyolidiki morandi köwrükining bösülüp kétishi netijiside jénidin ayrilghanlarning sani 35 ke yetti.
türkiye awazi radiyosi xewiri: italiyede bösülüp ketken morandi köwrüki xarabisi astida qalghan töt kishining qutquzuwélinghanliqi, izdesh we qutquzush xizmetlirining dawamlishiwatqanliqi bildürüldi. weqede bezi kishilerning öyidiki waqtida binaning üstige yiqilghan köwrükning xarabiliqliri astida qalghanliqi, bezi kishilerning weqedin kéyin chiqqan ot apitide is-tumandin zeherlengenliki eskertildi.
13 kishi éghir yarilanghan weqede, 10 kishining yoqap ketkenliki we tashyol mutexessislirining köwrükning qalghan qismini tekshürgenliki qeyt qilindi.
köwrükning téxnikiliq xataliq sewebidin bösülüp ketken bolush mumkinliki, buningdin bashqa, weqe yüz bergende yaghqan yamghur we chiqqan shiddetlik boranning tesir körsetkenliki texmin qilinmaqta.
weqeni öz közi bilen körgen kishilerning bildürüshiche, köwrük chaqmaq chaqqanda bösülüp ketken.
morandi köwrüki 1960-yili yasalghan bolup, 2016-yili rémont qilinghan idi.
