италийәдики көврүк вәқәсидә җенидин айрилғанлар санида ешиш көрүлди
түнүгүн (14-авғуст) италийәниң җәнова шәһиридә A10 ташйолидики моранди көврүкиниң бөсүлүп кетиши нәтиҗисидә җенидин айрилғанларниң сани 35 кә йәтти.
түркийә авази радийоси хәвири: италийәдә бөсүлүп кәткән моранди көврүки харабиси астида қалған төт кишиниң қутқузувелинғанлиқи, издәш вә қутқузуш хизмәтлириниң давамлишиватқанлиқи билдүрүлди. вәқәдә бәзи кишиләрниң өйидики вақтида бинаниң үстигә йиқилған көврүкниң харабилиқлири астида қалғанлиқи, бәзи кишиләрниң вәқәдин кейин чиққан от апитидә ис-тумандин зәһәрләнгәнлики әскәртилди.
13 киши еғир йариланған вәқәдә, 10 кишиниң йоқап кәткәнлики вә ташйол мутәхәссислириниң көврүкниң қалған қисмини тәкшүргәнлики қәйт қилинди.
көврүкниң техникилиқ хаталиқ сәвәбидин бөсүлүп кәткән болуш мумкинлики, буниңдин башқа, вәқә йүз бәргәндә йағқан йамғур вә чиққан шиддәтлик боранниң тәсир көрсәткәнлики тәхмин қилинмақта.
вәқәни өз көзи билән көргән кишиләрниң билдүрүшичә, көврүк чақмақ чаққанда бөсүлүп кәткән.
моранди көврүки 1960-йили йасалған болуп, 2016-йили ремонт қилинған иди.
