гиретсийәдики от апитидә қаза қилғанларниң сани күнсери көпәймәктә
гиретсийәниң пайтәхти атина әтраплирида йүз бәргән от апитидә қаза қилғанларниң сани 81 гә йәтти, 187 киши йариланди.
түркийә авази радийоси хәвири: атинаниң тәхминән 20 километир шәрқий шималиға җайлашқан пентели вә рафина районлирида башланған вә қисқа вақит ичидә орманлиқтин аһалиләр районлириғичә кеңийип кәткән от апити гиретсийә тарихидики әң чоң палакәтләрдин бирини кәлтүрүп чиқарди.
мәлуматларға қариғанда, атинадин 40 километир йирақлиқтики мати районида йүз бәргән от апитини өчүрүш паалийәтлири давамлишиватқан болуп, от апити сәвәбидин райондики 300 өй пүтүнләй вәйран болған.
алақидар тармақларниң билдүрүшичә, әтрәтләр издәш - қутқузуш паалийәтлирини давамлаштуруватқан болуп, мәсуллар онларчә кишиниң йоқап кетиши сәвәблик қаза қилғанлар саниниң ешип кетишидин әндишә қилмақта икән.
дөләтниң көплигән нуқтилиридин топланған йардәмләр болса рафина шәһиридики тәнтәрбийә залида еһтийаҗлиқ кишиләргә тарқитип берилмәктә икән.
