гиретсийәдә йүз бәргән от апитидә қаза қилғанларниң сани көпәйди

түркийә авази радийоси хәвири: атинаниң тәхминән 20 километир шәрқий шималиға җайлашқан пентели вә рафина районлирида башланған вә қисқа вақит ичидә орманлиқтин аһалиләр районлириғичә кеңийип кәткән от апити гиретсийә тарихидики әң чоң палакәтләрдин бирини кәлтүрүп чиқарди.

гиретсийә от өчүрүш тәшкилатиниң билдүрүшичә, от апитидә қаза қилғанларниң сани 76 гә йәткән, 23 и бала, 11 и еғир болуп, 187 киши йариланған. районда  издәш – қутқузуш паалийәтлири давамлишиватқан болуп, 100 дин артуқ кишиниң йоқап кәткәнлики тәхмин қилинмақта икән. буниңдин башқа йәнә, от апитидә өлүп кәткәнләр саниниң ешип кетиш хәвпи бар икән.

гиретсийә алий сот мәһкимиси от апитиниң келип чиқиш сәвәбини тәкшүрүш тоғрулуқ қарар чиқарған болуп, өлүп кәткинләрниң кимликини ениқлап чиқиш хизмити башланған.

полша ташқи ишлар министирлиқи полшалиқ 2 сайаһәтчиниң гиретсийәдики от апитидә һайатидин айрилғанлиқини җакарлиғаниди.