baldir: bu zémin bizning, düshminimizning kim bolushidin qetiynezer uni qoghdash wezipimiz
süriyede beshshar esed hakimiyiti we uning chet ellik yantayaqliri, laziqiyye wilayitining shimaligha jaylashqan «jiddiychilikni peskuygha chüshürüsh rayoni» chégrasi ichidiki türkmen téghigha hujum qilish üchün esker toplashqa bashlidi.
türkiye awazi radiyosi xewiri: rayondiki hakimiyet küchlirige qarshi küresh qiliwatqan öktichi guruppilardin ikkinchi sahil diwiziyesi qomandani izzet baldir, «esed hakimiyiti, irangha qarashliq chet ellik küchler we banyas qirghinchiliqining jawabkari THKP- jiddiy turghuchilar kattibéshi mihrach ural we ademliri istihkamlirimizning ornini éniqlash meqsitide zemibrek bilen hujum qilmaqta. buningdin bashqa aldinqi septe charlash élip bériwatidu» dédi.
baldir, türkmen téghi xatay chégrasidiki laziqiyye – idlib wilayetlirining ötüsh boyigha jaylashqanliqi üchün istratégiyelik ehmiyetke ige ikenlikini tekitlep, «bu zéminlar esirlerdin béri bizning. düshminimiz kim bolsa bolsun, zéminlirimizni qoghdash bizning wezipimizdur. axirqi bir tamche qénimiz qalghuche bu küreshni dawamlashturimiz» dégenlerni qeyt qildi.
hakimiyet küchliri, türkmen téghigha yéqin firinliq rayoni, idlib we laziqiyye arisidiki qiziltagh liniyesi shundaqla etraptiki jaylargha éghir tipliq qorallar we köp miqdarda qoral toplashqa kirishti.
2012 – yilining axirliridin tartip türkmen téghigha hujum qilishni dawamlashturup kéliwatqan iran himayisidiki heshdushshebi küchliridin teshkil tapqan iraq hizbullahi we esed hakimiyitining shér küchliri namliq xelq eskerlirining rayonni qolgha kirgüzüsh üchün 3 qétim yighin achqanliqi bildürüldi.
