хитай билән риванда арисида нурғун келишим түзүлди
хитай билән риванда арисида иқтисадтин ул әсличә қурулушичә, мәдәнийәттин билимғичә болуп нурғун саһәдә келишим имзаланди
түркийә авази радийоси хәвири: хитай дөләт рәиси ши җинпиңниң риванда зийаритидә 15 келишим имзаланди.
африқа зийаритини давамлаштуруватқан ши җинпиң риванда пирезиденти павул кагамениң рәсмий тәклипигә бинаән пайтәхт кигалиға кәлди, ши җинпиң кигалида мурасим билән күтүвелинди.
зийарәт даирисидә икки дөләт арисида иқтисадий һәмкарлиқтин ул әслиһә қурулушиғичә, аммиви авиатсийәчиликтин дипломатик вә хусусий паспортлардин виза алмаслиққичә, електронлуқ сода, мәдәнийәт вә билимғичә болған нурғун саһәдә 15 келишим имзаланди.
ши җинпиң билән саһибхан пирезидент кагаме көрүшүштин кейин қошма ахбарат елан қилиш йиғинида, икки дөләт мунасивәтлириниң һазирқи әһвалидин хурсән икәнликлирини билдүрүшти.
ши җинпиң ривандани зийарәт қилиштин илгири ривандадики нопузлуқ гезитләрдин «вақит»ниң зийаритини қобул қилғанда, икки дөләт арисидики 46 йиллиқ дипломатик вә сода мунасивәтлири үстидә тохтилип, хитай ширкәтлириниң ривандаға салған селинмилирини техиму көпәйтидиғанлиқлирини билдүрди.
ши җинпиңниң риванда зийарити хитайдин дөләт рәислик сәвийәсидә ривандаға елип берилған тунҗи рәсмий зийарәт һесаблиниду.
дунйа банкисиниң доклатиға асасланғанда, риванда импорт маллириниң %20дин көпрәкини хитайдин сетивалидикән.
