خىتايدا ھاۋا بۇلغىنىشىنىڭ ئالدىنى ئېلىشتا ئىلگىرىلەش بولغانلىقى ئىلگىرى سۈرۈلدى

تۈركىيە ئاۋازى رادىيوسى خەۋىرى: خىتاينىڭ ھاۋا بۇلغىنىشىنىڭ ئالدىنى ئېلىش ۋە كونتىرول قىلىش ئۈچۈن يولغا قويغان ھەرىكەت پىلانىنىڭ ئۈنۈم بېرىشكە باشلىغانلىقى ئىلگىرى سۈرۈلدى.

شىنخۇا ئاگېنتلىقىنىڭ خەۋەرلىرىدە بىلدۈرۈلىشىچە، خىتاي ھۆكۈمىتى 2013 – يىلى ئېلان قىلغان ھاۋا بۇلغىنىشىنىڭ ئالدىنى ئېلىش ۋە كونترول قىلىش ھەرىكەت پىلانىدا بەلگىلەنگەن بارلىق ۋەزىپىلەرنى تاماملىغان.  

بېيجىڭ خەلق سالامەتلىكى فاكۇلتېتى تەتقىقاتچىلىرى 2013 – يىلىدىن 2017 – يىلغىچە خىتاينىڭ 74 شەھىرىدىكى ھاۋا بۇلغىنىشىنىڭ خەلق سالامەتلىكىگە يەتكۈزگەن تەسىرىنى ئېنىقلاش ئۈچۈن دۆلەت مىقياسىدا ھاۋا ساپلىق سۇپىتىنى ۋە ھاۋا بۇلغىنىشىدىن ئۆلگەنلەرنىڭ سانلىق مەلۇماتلىرىنى ئانالىز قىلغان.

ئانالىز نەتىجىسى، 2013 – يىلىدىن 2017 – يىلىغىچە بولغان مەزگىلدە، «PM 2,5»، «PM 10» سەۋىيەسدىكى گۈڭگۈرت دىئوكسىد مىقتادىنىڭ رەت بويىچە %33.3، %27.8 ۋە %54.1 تۆۋەنلىگەنلىكىنى كۆرسەتكەن. 

مۇتەخەسسىسلەر 2017 – يىلىدا، 2013 – يىلىغا سېلىشتۇرغاندا ھاۋا بۇلغىنىش سەۋەبىدىن ئۆلگەنلەر سانىنىڭ 47 مىڭ كىشى ئازايغانلىقىنى ۋە بۇ ئەھۋالنىڭ خەلق سالامەتلىكىنى ئاسراش جەھەتتىن مۇھىن ئىلگىرىلەش بولغانلىقىنى ئىلگىرى سۈرگەن.

تەتقىقات نەتىجىسىدە يەنە، خىتايدا ئوزون دىئوكسىد ۋە نىتروگىننىڭ تارقىلىشىنى توسۇش تىرىشچانلىقلىرىنى تېخىمۇ كۈچەيتىش كېرەكلىكى تەكىتلەنگەن.

تەتقىات نەتىجىسى «Lancet Planetary Health» ژۇرنىلىدا ئېلان قىلىنغان.