béyjing washingtonni eyiblidi
béyjing, amérika qoshma ishtatliri déngiz armiyesining ikki paraxotining teywen boghuzidin ötüshini eyiblidi.
türkiye awazi radiyosi xewiri: xitay kommunistik partiyesi taratqusi «global taymiz», amérika qoshma ishtatlirining yaponiye merkezlik bashqurulidighan bomba seplengen zerbidarlar paraxotliri USS Mustin we USS Benfold ni teywen boghuzidin ötküzüsh arqiliq ikki dölet arisidiki «soda urushi» tüpeyli peyda bolghan sürkilishni ulghaytqanliqini yazdi.
«amérika qoshma ishtatlirining teywen boghuzidiki pisxologiyelik oyuni» mawzuluq maqalide, washington dairilirining teywen boghuzigha paraxot ewetip siyasiy signal bergenliki ilgiri sürüldi.
1949 – yili xitayda mawzédung hakimiyet béshigha kelgendin kéyin, hökümetning bezi ezaliri teywenge qéchip bérip, u yerde musteqilliq élan qilghan we milletchi xitay, dep nam bergen teywenni qurup chiqqanidi.
béyjing dairiliri, «bir xitay» pirinsipini yaqlap, xelqara sehnide xitaygha peqet öziningla wekillik qilidighanliqini, musteqilliq élan qilghan teqdirde teywenge herbiy mudaxile qilidighanliqini bildürüp kelmekte.
