ким җоңун трампни пийоңйаңға тәклип қилди

түркийә авази радийоси хәвири: шималий корейә пирезиденти ким җоңун әтә сингапурға келидиған америка пирезиденти доналд трампни иккинчи қетилиқ учришиш үчүн дөлитигә тәклип қилди.

җәнубий корейә гезити « Chosun Ilbo »ниң бу һәқтики хәвиридә ким җоңунниң муавинлиридин ким йоңчолниң америка пирезиденти доналд трампқа мәктуб билән биргә тәклипнамиму  бәргәнлики билдүрүлди.

мәктубта икки рәһбәрниң йәнә бир қетим пийоңйаңда учришиш еһтимали барлиқи әскәртилди.

навада иккинчи қетимлиқ учришишму ишқа ашқан тәқдирдә бу йил сентәбирдә америкиниң пайтәхти вашингитонда шималий корейә мәсилиси тоғрулуқ йәнә йиғин чақирилидикән.

трамп билән ким җоңун әтә сингапурда шу җай вақти саәт 0:900 да көрүшиду.

трамп билән ким җоңунниң айрим 2 саәт көрүшидиғанлиқи, бу көрүшүшкә пәқәт тәрҗиманларниңла қатнишидиғанлиқи уқтурулди.

учришиштин илгири сингапур баш министири ле һисийин лоң билән көрүшкән трамп, ким билән елип берилидиған учришиштин үмидлик икәнликини билдүрди.

ле билән хизмәт зийапитидә көрүшкән трамп: әтә башқичә бир күн, мәнчә ишлар оңушлуқ болуп кетиду, деди.

баш министир леға икки рәһбәрниң учришишиға саһибханлиқ қилидиғанлиқи үчүн миннәтдарлиқини билдүргән трамп, твиттер адресида мундақ дегәниди: «сингапурни зийарәт қилимиз, һазирдин башлап һайаҗанливатимиз.»