килауеа йанар теғи лава пүркүшни давамлаштурмақта
америкиниң һавай иштатида өткән һәптә паалийәткә өткән килауеа йанар теғидин чиққан лава, таш вә зәһәрлик газ түпәйли райондин 1700 дин артуқ адәм тарқақлаштурулди.
түркийә авази радийоси хәвири: америка қошма иштатлириниң һавай иштатида өткән һәптә паалийәткә өткән килауеа йанар теғидин чиққан лава, таш вә зәһәрлик газ түпәйли райондин 1700 дин артуқ адәм тарқақлаштурулди.
алақидар әмәлдарлар, леилани естейес районида 26 өйниң гүмүрүлүп чүшкәнликини, 4 қурулушниң лава астида қалғанлиқи, 1700 дин артуқ адәмниң бихәтәр җайларға тарқақлаштурулғанлиқини елан қилди.
йанар тағдин етилип чиққан лаваниң 61 метирғичә йүксәлгәнлики, 36 миң квадрат метир җайға йейилғанлиқи, лава еқининиң йәнә қанчилик давамлишидиғанлиқиниң намәлумлуқи билдүрүлди.
волқан йәрдә һасил қилған йериқлардин еригән қийа, зәһәрлик газ вә туман чиққанлиқи қәйт қилинди.
дунйаниң әң актип волқанлириниң бири һесаблинидиған килауеа йанар теғида 1983 – йилидин буйан партлашлар йүз берип кәлмәктә.
