маттис исираилийә дөләт мудапиә министири билән көрүшти

түркийә авази радийоси хәвири: җим маттис билән авигдор либерман америка билән исираилийә оттурисидики өзара һәмкарлиқ вә районлуқ мәсилиләр музакирә қилинидиғанлиқи билдүрүлгән көрүшүштин бурун, мухбирларға байанат бәрди. маттис америка билән исираилийә оттурисидики мунасивәтниң күчлүк икәнликини әскәртип: «америка 1982-йили пирезидент реганниң ейтқинидәк, исираилийә дөлитигә болған садақитидин ваз кәчмиди, бу садақәт һазирму қәтий өзгәрмәйду» деди.

у америка билән исираилийә оттурисидики һәрбий мунасивәтләрниң һечқачан көрүлүп бақмиған шәкилдә күчлүк икәнликини әскәртип, икки дөләт һәмкарлиқиниң иранға қарши оттура шәрқтә хәвпсизлик вә муқимлиқни капаләткә игә қилидиғанлиқини илгири сүрди.

у бир мухбирниң «исираилийәниң, иранниң сүрийәни қорал билән тәминлишидики мәқситиниң исираилийәгә зәрбә бериш тоғрисидики қаришиға қошулидиған йаки қошулмайдиғанлиқи» һәққидики соалға: «һазир башқа мәқсәт бар ойлимаймән» дәп җаваб бәрди.

у американиң иран билән түзүлгән йадро келишимидин чекинидиған йаки чекинмайдиғанлиқи һәққидики соалға: «бу мәсилидә техи қарар берилмиди» дәп җаваб бәрди.

у русийәниң бәшшар әсәд һакимийитини «S-300» һава мудапиә қалқан системиси билән тәминләйдиғанлиқи тоғрисида тохтилип: «сүрийә урушини давамлаштуруш үчүн қилинған һәр қандақ иш тирагедийә билән ахирлишиду» деди.

уҗәнвә сөһбәтлирини қоллаш керәкликини вә буниң дипломатик йоллар билән мәсилини һәл қилишни капаләткә игә қилиш керәкликини билдүрди вә: «б д т сүрийә алаһидә вәкили стифан демистура буниң үчүн тиришиватиду, русийә техиму муқим болған оттура шәрқни үмид қилса, униңға йардәм қилиши керәк» деди.