engliye sisini tebriklidi
engliye bash weziri tirésa méy saylamda utup chiqqan misir pirézidénti abdulfettah elsisigha téléfon qilip, xizmitige muweppeqiyet tilidi.
türkiye awazi radiyosi xewiri: engliye «10-nomurluq» bash wezirlik ishxanisi méyning sisi bilen téléfonda körüshkenliki toghrisida bayanat élan qildi. bayanatta, bash wezir méyning sisi bilen téléfonda körüshüp, uni tebrikligenliki bildürüldi. bayanatta mundaq déyildi:
«méy démokratik ötkünchi yolida misirning ilgirilesh pursitini qolgha keltürgenliki sewebidin pirézidént sisini tebriklidi.»
bayanatta, méyning téléfon söhbitide, misirning muqim, démokratik we bayashad dölet bolup muweppeqiyetke érishishini xalaydighanliqini eskertkenliki bildürüldi. bayanatta yene mundaq déyildi:
«ikki rehber, misirning iqtisadiy we maarip saheliride élip bériwatqan islahatlarni téximu tereqqiy qildurush üchün, ikki döletning dawamliq birlikte xizmet qilalaydighanliqini we térrorluqqa qarshi küreshni qandaq qolliyalaydighanliqini muhakime qildi. pirézidént sisi engliyening bu sahelerdiki tejribiliri we mutexessisleshkenliki bilen, misirgha yetküzüsh éhtimali bolghan paydiliq terepliri üstide alahide toxtaldi. rehberler, ikki dölet munasiwetlirini tereqqiy qildurush üchün taqetsizliniwatqanliqini bildürdi.»
misirda 23 milyon saylighuchi qatnashqan bu qétimiqi pirézidéntliq saylimida, sisi %92 awazgha ériship, ikkinchi nöwet pirézidént bolup saylanghan idi.
