sherqiy ghute weziyiti barghanche éghirlashmaqta, esed küchliri bombardiman qilishni dawalashturmaqta
esed hakimiyitining muhasirisi astidiki sherqiy ghutege qilghan hawa hujumida 30 puqra jénidin ayrildi, 170 puqra yarilandi.
türkiye awazi radiyosi xewiri: puqrawi qoghdinish heyiti menbeliridin igilengen uchurgha asaslanghanda, hakimiyet küchliri sherqiy ghutege hawadin hujum qilip, rayonning beyt sawa bazirida 10, hazza bazirida 6, zemalika bazirida 4, hammuriye bazirida 1 puqraning jénigha zamin boldi.
esed hakimiyiti küchliri, arbin nahiyesidiki bir bazargha bomba tashlap, 9 puqraning ölümini keltürüp chiqardi.
öktichilerning kontrolluqi astidiki sherqiy ghutede yérimi kichik bala bolup jemiy 400 minggha yéqin puqra hayat kechürmekte. sherqiy ghute, astana kélishimliride toqunushtin xaliylashturulghan rayon, dep élan qilinghan bolsimu, rusiyening kapaletchiliki astidiki esed hakimiyiti, aprél éyidin buyan rayongha qaratqan muhasirisini kücheytti.
insaniy kirizis chongqurliship ketken rayonda, 600 din artuqining ehwali éghir bolup minglarche bimar tarqaqlashturushni kütüp yatmaqta. bimarlarning köpinchisi kichik balilar yaki éghirliship ketken rak késelliridin teshkil tapidu. sherqiy ghutelik köpligen bowaq we balilar achliq we dorisizliq keltürüp chiqarghan zorluqlar ichidiki hayat kürishide meghlup boldi.
