amérikada ikki poyiz soqushup ketti

türkiye awazi radiyosi xewiri: amérikaning jenubiy karolina ishtatida yoluchilar poyizi bilen yük poyizi soqulup kétip, ikki kishi jénidin ayrildi, 70 ke yéqin kishi yarilandi.

léksington rayonining bayanatchisi xarrison kaxil amtrak (Amtrak) shirkitining niyu yorktin miamigha qarap kétiwatqan 147 kishi olturghan yoluchilar poyizining, qarshi tereptin kelgen yük poyizi bilen shu yer waqti 02:45 ötkende soqushup ketkenlikini bildürdi.

bayanatchi xarrison kaxil ikki poyizning soqushup kétishi netijiside yoluchilar poyizining parawuzi bilen arqa tereptiki bir qanche wagonning rélistin chiqip ketkenlikini eskertti.

2017-yili dékabir éyidimu amtrak shirkitining bir yoluchilar poyizi rélistin tashyolgha chiqip ketken bolup, weqede üch kishi jénidin ayrilip, 100 din artuq kishi yarilanghan idi.