ukraina puqraliq hoquqidin mehrum qilinghan pirézidént saakashwilining étirazini ret qildi
ukraina puqraliqidin chiqiriwétilgen giruziyening sabiq pirézidénti we odéssa sabiq waliysi mixail saakashwilining ukrainagha sunghan panahliq iltimasi sot mehkimisi teripidin ret qilindi.
türkiye awazi radiyosi xewiri: kiyéw memuriy ishlar sot mehkimisi, ukraina köchmenler idarisining saakashwilining panahliq iltimasini qobul qilmighanliqigha bildürgen étirazigha qarap chiqip, étirazni ret qildi.
saakashwilining adwokati ruslan chérnolutiskiy sot axirlashqandin kéyin muxbirlargha bayanat bérip, bu qarargha étiraz bildüridighanliqlirini éytti.
qanuniy jehettin délo dawamlishiwatqanliqi üchün, saakashwilining ukraina tewelikide turush hoquqigha ige ikenlikini eskertken chérnolutiski, hazirqi ehwalda uni giruziyege qayturuwétishning mumkin emeslikini tekitlidi.
ukraina köchmenler idarisi, 1 – noyabirda ukraina puqraliqidin chiqiriwétilgen saakashwilining ukraina tewelikide musapir salahiyitide turushini kapaletke ige qilidighan matériyallarni bérishni ret qilghanidi.
giruziye bash teptish mehkimisi, ukrainadin üstidin tutush buyruqi chiqirilghan saakashwilini nazaret astigha élip qayturup bérishini telep qilghanidi.
2015 – yili 4 – dékabirda giruziye puqraliqidin chiqiriwétilgen saakashwili, 2013 – yilidin buyan dölitige qaytalmaydu.
