firansiyede bir panahlanghuchi özini öltürüwaldi

türkiye awazi radiyosi xewiri: firansiyening junubidiki marsilya shehiride chégradin qoghlap chiqirish üchün tutup turuluwatqan we 14 – dékabirda özini öltürüwalmaqchi bolghan alibeniyelik panahlanghuchi doxturxanida dawalash ünüm bermey jénidin ayrildi. 

marsilya sheheridiki bu weqe bilen yéqinqi 2 aydin buyan özini öltürüwalghan panahlanghuchilarning sani 8 ge yetti.

yerlik «La Provence» gézitining xewiride bildürülishiche, 19 aydin buyan marsilyada turuwatqan we iqamet telipi ret qilinghan albaniyelik panahlanghuchi chégradin qoghlap chiqirilish üchün tutup turuliwatqan merkezde özini öltürüwilishqa urunghan.

yighiwélish merkizidiki yatiqida 14 – dékabir küni özini ésiwalghan 23 yashliq panahlanghuchi bihush halda marsilya doxturxanisigha yetküzülgen. biraq, dawalash ünüm bermey doxturxanida jénidin ayrilghan.

xewerde, marsilyadiki bazarda sétiqchiliq qilidighan mezkur panahlanghuchining iqamet telipi ret qilinghandin kéyin, dölitige qayturuwétish üchün yighiwélish merkizige yollanghanliqi,  qayturuwétishke teyyarliq pütüshke az qalghan we weqedin bir kün ilgiri yatiqining almashturulishi üchün yighiwélish merkizige iltimas sunghanliqi qeyt qilindi.

marsilya shehiride panahlaghghuchilargha yardem paaliyiti bilen shughullinidighan «Forum refugies-Cosi» jemiyiti mesulliri firansiyediki panahlanghuchilarning, bolupmu yighiwélish merkizidiki panahlaghuchilarning échinishliq ehwali terepke hemmining diqqitini tartip, peqet marsilya shehiridiki yighiwilish merkizidila yéqinqi 2 ay ichide 7 kishining özini öltürüwalghanliqini axbaratchilargha bildürdi.

jemiyet mesulliri yene, bu merkezlerde panahlaghuchilargha nurghun qétim hujum qilish, yaridar qilish we zorawanliq qilish weqelirining yüz bergenlikini, shundaqla bu xil weqelerning izchil ewj éliwatqanliqini tekitlidi.