мәсҗиди әқсаниң чирағлири өчүрүлди
америка пирезиденти доналд трампниң иғвагәрчиликкә толған қарарини елан қилиши билән тәң, мәсҗиди әқсаниң чирағлириниң өчүрүлгәнлики билдүрүлди.
түркийә авази радийоси хәвири: ишғал астидики шәрқий қуддусқа җайлашқан мәсҗиди әқсаниң чирағлири америка пирезиденти доналд трамп қуддусқа мунасивәтлик иғвагәрчиликкә толған қарарни елан қилиши билән тәң өчүрүлди.
охшаш вақитта йәнә бәйтуллаһим шәһиридики хиристийанларму мәһд черкави мәйданидики ноел дәрәхлирини қара һаләткә өзгәрткән.
шәрқий қуддусни 1967-йили 5-ийун ишғал қилған исираилийә, 1980-йили өз алдиға қарар чиқирип, шәһәрниң шәрқий вә ғәрбини «бирләшкән пайтәхт» дәп елан қилға иди. б д т хәвпсизлик кеңиши 1980-йили қобул қилған 478-номурлуқ қарар билән, исираилийәниң ишғалийити вә пайтәхт еланини әмәлдин қалдурған иди.
б д т хәвпсизлик кеңишиниң қарари рамкисида, американи өз ичигә алған хәлқаралиқ җәмийәт шәрқий қуддусниң ишғал астида икәнликини қобул қилиду. исираилийә һөкүмитини етирап қилған барлиқ дөләтләрниң әлчиханилири тел авивға җайлашқан. һечқайси дөләт қуддусқа йаки шәрқий вә ғәрбий қисимлирини пайтәхт дәп қобул қилмайду.
