تۈركىيە گىرېتسىيەگە ياردەم بېرىشكە تەييار ئىكەنلىكىنى بىلدۈردى

تۈركىيە ئاۋازى رادىيوسى خەۋىرى: تاشقى ئىشلار مىنىستىرلىقى تەرىپىدىن بۇ ھەقتە ئېلان قىلىنغان يازما باياناتتا، تۈركىيەنىڭ گىرېتسىيەدىكى سۇ ئاپىتىدە ئادەم ئۆلۈش ۋە يارىلىنىش ئەھۋالى كۆرۈلگەلىكىدىن تولىمۇ ئەپسۇسلىنىدىغانلىقى تەكىتلىنىپ مۇنداق دېيىلدى: «سۇ ئاپىتىدە قازا قىلغانلارنىڭ يېقىن – يورۇقلىرى ۋە گىرېتسىيە خەلقىگە تەزىيە بىلدۈرىمىز، يارىلانغانلارغا شىپالىق تىلەيمىز. تۈركىيە ھەمىشە گىرېتسىيە بىلەن ھەمكارلىق ئاساسىدا ھەرىكەت قىلىشقا ھەمدە گىرېتسىيەگە ھەر جەھەتتىن ياردەم بېرىشكە تەييار.»