әһмәд мәҗдилани: сәуди әрәбистан мәһмуд аббасқа бесим ишләтмиди
пәләстин азадлиқ тәшкилати иҗраийә комитети әзаси әһмәд мәҗдилани сәуди әрәбистанниң пәләстин дөләт рәиси мәһмуд аббасқа бесим иләткәнликигә даир хәвәрләр һәққидә байанат елан қилди.
түркийә авази радийоси хәвири: пәләстин азадлиқ тәшкилати иҗраийә комитети әзаси әһмәд мәҗдилани дөләт рәиси мәһмуд аббасқа «пәләстин – исраилийә музакирлири» даирисидә америка пиланини қобул қилиши үчүн сәуди әрәбистанниң бесим ишлитиләткәнликигә даир хәвәрләрниң йалғанлиқини илгири сүрди.
әһмәд мәҗдилани сәуди әрәбистанниң пәләстин һөкүмитигә бүгүнгә қәдәр һечқандақ бесим ишлитип бақмиғанлиқини вә пәләстинниң қарарлириға һөрмәт қилип келиватқанлиқини тәкитләп, «сәуди әрәбистан һөкүмити тинчлиқ музакирилиригә алақидар америка пиланини қобул қилиши үчүн мәһмуд аббасқа һечқандақ бесим ишләтмиди» деди.
әһмәд мәҗдилани исраилийә билән пәләстин уттурисидики мәсилигә һәл қилиш чариси тепиш даирисидә америка тәрәпниң һазирғичә һечқандақ пилан, пикир йаки қараш сунуп бақмиғанлиқини алаһидә илгири сүрүп, «америка бирәр пилан сунған әһвалда, у тәкшүрилиду, пәләстин хәлқиниң тәләплирини қандуралиған тәқдирдә андин қобул қилиниду» деди.
әнглиийәдә чиқидиған «вқит гезити» исраилийә даирилирини мәнбә көрсәткән хәвиридә, сәуди әрәбистан тәхт вариси муһәммәд бин сәлманниң пәләстин дөләт рәиси мәһмуд аббасқа бесим шилитип, америка пирезиденти доналд трамп сунған һәр қандақ тәклипни қобул қилиши керәкликини, ондақ болмиғанда истепа бериши лазимлиқини тәләп қилғанлиқини илгири сүргән иди.
исраилийә билән пәләстин уттурисидики тинчлиқ музакирилири исраилийәниң 1967 – йилдики чегра линийәсини вә көчүшкә мәҗбур қилинған пәләстинликләрниң қайтип келиш һоқ – һоқуқини һәмдә йәһудий олтурақ район қурулишиға хатимә беришни қобул қилмиғанлиқи түпәйлидин 2014 – йили априлда тохтилған иди.
