әнглийә йавропа иттипақидин чекиниш вақтини елан қилди

түркийә авази радийоси хәвири: әнглийәниң йавропа иттипақидин чекиниш ишлириға мәсул министири давид давис музакирилири давамлишиватқан иттипақтин чекиниш қануниға қошумчә мадда сүпитидә киргүзүлгәнликини билдүрди. бәзи парламент әзалири әйни вақитта чекиниш вақтиниң әнглийә қануниға киргүзүлмәслики тоғрисида әндишәлирини оттуриға қойған иди.

әнглийә 2019-йил 29-март күни йавропа иттипақидин рәсмий чекингәндә, баш вәзир тиреса мей чекиниш мусаписини башлап аридин толуқ икки йил өткәндә ахирлашқан болиду. өткән йили (2016) өткүзүлгән реферандумда, хәлқниң %52 и йавропа иттипақидин айрилишни қоллап беләт ташлиған иди.

әнглийәниң йавропа иттипақидин айрилиши билән, грманийәниң йавропа иттипақиға төләйдиған бәдәл пули миқдариниң 4 милйард йавро көпийидиғанлиқи пәрәз қилинмақта. германийә таратқулиридики хәвәрләргә асасланғанда, әнглийәниң чиқип кетиши билән йавропа иттипақи хамчотида 10 милйард 200 милйон йавролуқ қизил рәқәм көрүлүши мумкин икән. буму йавропа иттипақиниң хәзинисигә әң көп күч чиқириватқан германийәгә қошумчә малийә йүки қошидикән.