сәуди әрәбистан даилири назарәт астиға елинғанларниң банка һесабатлирини тоңлитип қойди
сәуди әрәбистан тәптиш мәһкимиси, чириклик қилмишлириға четилип назарәт астиға елинғанларниң банка һесабатлирини тоңлитип қойди.
түркийә авази радийоси хәвири: сәуди әрәбистан рәсмий хәвәр агентлиқи – спа, сәуди әрәбистан пул – муамилә агентлиқиниң баш тәптиш мәһкимисиниң йолйоруқиға асасән, чериклик билән әйиблинип назарәт астиға елинған шаһзадиләр, йуқири дәриҗилик әмәлдарлар вә милйардер сода – санаәтчиләр қатарлиқларниң хусусий банка һесабатлириниң тоңлитип қойулғанлиқини хәвәр қилди.
сәуди әрәбистан пул – муамилә агентлиқи, һазирчә пәқәт гумандарларниң хусусий һесабатлириниң тоңлитип қойулғанлиқини, назарәт астидикиләрниң йаки улар пай салған ширкәтләрниң һесабатлириниң тоңлитилмиғанлиқини уқтурди.
банкиларға бу мәсилигә алақидар йолйуруқниң әвәтилгәнликини вә һесабатларниң тоңлитилғанлиқи؛ сәуди әрәбистанда паалийәт елип бериватқан ширкәтләрниң мәзкур тәкшүрүшниң тәсиригә учримастин дөләт ичи – сиртида пул селиш, елиш ишлирини давамлаштуралайдиғанлиқи қәйт қилинди.
