сәуди әрәбистан бир қисим сабиқ министирлар вә 11 шаһзадини назарәт астиға алди
сәуди әрәбистан даирилири, сабиқ министирларни өз ичигә алған көп санда кишини чириклик қилмиши садир қилиш билән әйибләп назарәт астиға алди.
840895
түркийә авази радийоси хәвири: әләрәбийә қанили, назарәт астиға елинғанларниң арисида, көп санда сабиқ министир билән 11 шаһзадиниңму барлиқини, мәзкур кишиләрни назарәт астиға елиш буйруқини чирикликкә қарши туруш комитетиниң чүшүргәнликини хәвәр қилди.
мәзкур комитетниң қурулғанлиқи тоғрисидики хәвәр, түнүгүн кечә ички кабинет вә армийә сепидики бәзи өзгиришләр тоғрисидики учурлар билән бирликтә елан қилинғаниди.
мудапиә министири вә тәхт вариси шаһзадә муһәммәд бин сәлман башчилиқидики чирикликкә қарши туруш комитетиниң назарәт астиға елиш буйруқи чүшүрүш, сайаһәт чәклимиси қойуш вә банка һесабатлирини тоңлитип қойуш қатарлиқ салаһийәтлириниң барлиқи билдүрүлди.
