гөрүгә еливелинған түркләрни издәш хизмәтлири давам қилмақта
ливийәдә гөрүгә еливелинған түрк ишчиларни издәш – қутқузуш йолидики тиришчанлиқлар давамлашмақта.
түркийә авази радийоси хәвири: ливийә убари шәһәрлик һөкүмәт вәкили өмәр куки, хәвпсизлик күчлириниң убари шәһиридин гөрүгә елип кетилгән ишчиларни издәш хизмәтлириниң шәһәрниң ичи – сиртида давамлаштуруватқанлиқини, шәһәргә йеқин җайларда сәһра чарлаш хадимлириниң издәш – чарлаш хизмәтлирини давамлаштуруватқанлиқини ейтти.
һазирғичә гөрүгә еливалғучи тәрәпниң кимликлириниң ениқ әмәсликини билдүргән куки, гөрүгә елиш вәқәсиниң бир террорлуқ вәқәси болуш еһтималиниң төвәнликини қәйт қилди.
ливийәдики туарәғ қәбилилири, алақидар барлиқ тәрәпләрни дөләтниң җәнубиға җайлашқан убари шәһиридин тутуп кетилгән түрк ширкити хадимлириниң қойуп берилиши үчүн һәрикәткә өтүшкә чақирди.
түнүгүн ливийәниң убари шәһиридә қораллиқ бир гуруппа киши бир түрк ширкитидә ишләйдиған 3 түрк билән 1 германни гөрүгә елип қачқаниди.
