makron barzani bilen téléfonda sözleshti
firansiye pirézidénti émanuél makron, iraq kord rayonluq hökümiti bashliqi mesud barzanigha téléfon élip, erbil bilen baghdad arisidiki saqliniwatqan mesililerni hel qilish üchün diyalog ötküzüshke chaqirdi.
türkiye awazi radiyosi xewiri: mesud barzanining ishxanisi bayanat bérip, firansiye pirézidénti émanuél makronning téléfon söhbitide, erbil bilen baghdad arisidiki sürkilishtin endishe qiliwatqanliqini ipadiligenlikini we toqunush yüz bérip qalmasliqi üchün, her ikki terepning pozitsiyelirini közdin kechürüshini telep qilghanliqini qeyt qildi. bayanatta körsitilishiche, makron saqliniwatqan mesililerni hel qilishning eng yaxshi yolining diyalog we muzakire ötküzüsh ikenlikini bildürgen.
barzanining makrongha iraq kord rayonluq hökümiti bilen iraq merkiziy hökümiti arisida yüz bergen yéqinqi weqeler toghrisida melumat bergenliki eskertilgen bayanatta yene, firansiye pirézidénti émanuél makronning ikki terep arisidiki saqliniwatqan mesililerni diyalog arqiliq hel qilish yolida küch serp qilishni dawamlashturidighanliqi qeyt qilindi.
