мексикида қораллиқ һуҗум қилиш вәқәси йүз бәрди
мексикида зәһәрлик чекимликкә хумар болуп қалғучилар туруватқан бир саламәтликни әслигә кәлтүрүш мәркизи қораллиқ һуҗумға учриди.
түркийә авази радийоси хәвири: мексикида зәһәрлик чекимликкә хумар болуп қалғучилар туруватқан саламәтликни әслигә кәлтүрүш мәркизи қораллиқ һуҗумға учрап, 14 адәм өлди, 8 адәм йариланди.
мәһәллий таратқуларниң хәвәр қилишичә, бир түркүм қораллиқ кишиләр чихуахуа шәһиридики зәһәрлик чекимликкә хумар болуп қалғучилар туруватқан бир саламәтликни әслигә кәлтүрүш мәркизигә һуҗум қилған.
чихуахуа шәһәрлик хәвпсизлик ишлири әмәлдари, инфобае хәвәр агентлиқиға байанат берип, «бир гуруппа қораллиқ киши саламәтликни әслигә кәлтүрүш мәркизигә кирип, 14 адәмни өлтүрди, 8 адәмни йариландурди» деди.
игилинишичә, һуҗум йүз бәргән мәзкур мәркәздә 25 адәм әтрапида адәм бар икән.
америка қошма иштатлири чеграсиға йеқин җайға җайлашқан чихуахуа өлкиси, мексикиниң зәһәрлик чекимлик әткәсчиликигә қарши күрәш даирисидә әң шиддәтлик вәқәләр йүз беридиған район, дәп қаралмақта.
